Nach­mals ist auch ein jeder verß ent­we­der ein iam­bi­cus oder tro­ch­ai­cus; nicht zwar das wir auff art der grie­chen vnnd la­tei­ner eine ge­wis­se groes­se der syl­benm ko­en­nen inn acht nemen; son­dern das wir aus den ac­cen­ten vnnd dem thone er­ken­nen / wel­che sylbe hoch vnnd wel­che nied­rig ge­setzt soll wer­den. Ein Jam­bus ist die­ser: ,Er­halt vns Herr bey dei­nem wort.´Der fol­gen­de ein Tro­cheus: ,Mit­ten wir im leben sind.' Dann in dem ers­ten verse die erste sylbe nied­rig / die andre hoch / die drit­te nied­rig / die vier­de hoch / vnd so fort­an / in dem an­de­ren verse die erste sylbe hoch / etc. auß­ge­spro­chen wer­den. Wie­wol nun mei­nes wis­sens noch nie­mand / ich auch vor der zeit sel­ber nicht / die­ses gena­we in acht ge­nom­men / schei­net es doch so hoch von noe­then zue sein / als hoch von noe­then ist / das die La­tei­ner nach dem quan­ti­ta­ti­bus oder groes­sen der syl­ben ihre verse rich­ten vnd re­gu­li­ren.